อวิคตสภาคํ

[523] อวิคตปจฺจยา เหตุยา สตฺต, อารมฺมเณ ตีณิ, อธิปติยา อฏฺฐ, สหชาเต นว, อญฺญมญฺเญ ตีณิ, นิสฺสเย เตรส, อุปนิสฺสเย เอกํ, ปุเรชาเต ตีณิ, ปจฺฉาชาเต ตีณิ, กมฺเม สตฺต, วิปาเก เอกํ, อาหาเร สตฺต, อินฺทฺริเย สตฺต, ฌาเน สตฺต, มคฺเค สตฺต, สมฺปยุตฺเต ตีณิ, วิปฺปยุตฺเต ปญฺจ, อตฺถิยา เตรสฯ (18)

อวิคตมิสฺสกฆฏนา (11)

[524] อวิคต-อตฺถีติ เตรสฯ อวิคต-นิสฺสย-อตฺถีติ เตรสฯ อวิคต-อธิปติ-อตฺถีติ อฏฺฐฯ อวิคตาธิปติ-นิสฺสย-อตฺถีติ อฏฺฐฯ อวิคต อาหาร-อตฺถีติ สตฺตฯ อวิคต-อินฺทฺริย-อตฺถีติ สตฺตฯ อวิคต-นิสฺสย-อินฺทฺริย-อตฺถีติ สตฺตฯ อวิคต-วิปฺปยุตฺต-อตฺถีติ ปญฺจฯ อวิคต-นิสฺสย-วิปฺปยุตฺต-อตฺถีติ ปญฺจฯ อวิคตอธิปติ-นิสฺสย-วิปฺปยุตฺต-อตฺถีติ จตฺตาริฯ อวิคต-นิสฺสย-อินฺทฺริย-วิปฺปยุตฺต-อตฺถีติ ตีณิฯ

ปกิณฺณกฆฏนา (8)

[525] อวิคต-ปจฺฉาชาต-วิปฺปยุตฺต-อตฺถีติ ตีณิฯ อวิคต-ปุเรชาต-อตฺถีติ ตีณิฯ อวิคต-นิสฺสย-ปุเรชาต-วิปฺปยุตฺต-อตฺถีติ ตีณิฯ อวิคต-อารมฺมณ-ปุเรชาต-อตฺถีติ ตีณิฯ อวิคต-อารมฺมณ-นิสฺสย-ปุเรชาต-วิปฺปยุตฺต-อตฺถีติ ตีณิฯ อวิคตอารมฺมณาธิปติอุปนิสฺสย-ปุเรชาต-อตฺถีติ เอกํฯ อวิคต-อารมฺมณาธิปติ-นิสฺสย-อุปนิสฺสยปุเรชาต-วิปฺปยุตฺต-อตฺถีติ เอกํฯ อวิคต-นิสฺสย-ปุเรชาต-อินฺทฺริย-วิปฺปยุตฺต-อตฺถีติ เอกํฯ

สหชาตฆฏนา (10)

[526] อวิคต-สหชาต-นิสฺสย-อตฺถีติ นวฯ อวิคต-สหชาต-อญฺญมญฺญนิสฺสย-อตฺถีติ ตีณิฯ อวิคต-สหชาต-อญฺญมญฺญ-นิสฺสย-สมฺปยุตฺต-อตฺถีติ ตีณิฯ อวิคต-สหชาต-นิสฺสย-วิปฺปยุตฺต-อตฺถีติ ตีณิฯ อวิคต-สหชาต-อญฺญมญฺญนิสฺสย-วิปฺปยุตฺต-อตฺถีติ เอกํฯ (อวิปากํ – 5)

อวิคต-สหชาต-นิสฺสย-วิปาก-อตฺถีติ เอกํฯ อวิคต-สหชาต-อญฺญมญฺญนิสฺสย-วิปาก-อตฺถีติ เอกํฯ อวิคต-สหชาต-อญฺญมญฺญ-นิสฺสย-วิปาก-สมฺปยุตฺต-อตฺถีติ เอกํฯ อวิคต-สหชาต-นิสฺสย-วิปาก-วิปฺปยุตฺต-อตฺถีติ เอกํฯ อวิคต-สหชาตอญฺญมญฺญ-นิสฺสย-วิปาก-วิปฺปยุตฺต-อตฺถีติ เอกํฯ (สวิปากํ – 5)

อวิคตมูลกํฯ

ปญฺหาวารสฺส อนุโลมคณนาฯ

(2) ปจฺจนียุทฺธาโร

[527] กุสโล ธมฺโม กุสลสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ

กุสโล ธมฺโม อกุสลสฺส ธมฺมสฺส อารมฺมณปจฺจเยน ปจฺจโย… อุปนิสฺสยปจฺจเยน ปจฺจโยฯ

กุสโล ธมฺโม อพฺยากตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปจฺฉาชาตปจฺจเยน ปจฺจโย… กมฺมปจฺจเยน ปจฺจโยฯ

กุสโล ธมฺโม กุสลสฺส จ อพฺยากตสฺส จ ธมฺมสฺส สหชาตปจฺจเยน ปจฺจโยฯ (4)

[528] อกุสโล ธมฺโม อกุสลสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ

อกุสโล ธมฺโม กุสลสฺส ธมฺมสฺส อารมฺมณปจฺจเยน ปจฺจโย… อุปนิสฺสยปจฺจเยน ปจฺจโยฯ

อกุสโล ธมฺโม อพฺยากตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปจฺฉาชาตปจฺจเยน ปจฺจโย… กมฺมปจฺจเยน ปจฺจโยฯ

อกุสโล ธมฺโม อกุสลสฺส จ อพฺยากตสฺส จ ธมฺมสฺส สหชาตปจฺจเยน ปจฺจโยฯ (4)